龍百味小廚

营业中

休息中

返工一族放工鬼咁夜返到屋企就更加夜，行經尖沙咀金馬倫道見到間平民嘅小菜小炒店，平平地$20起就有個餸，外賣堂食都得。餐廳人流都幾旺，燈光夠光猛又乾淨。小菜全部隔住玻璃見到可以慢慢揀，最誇張係堂食幾蚊嘅白飯食完仲可以任裝。今次兩個人叫左幾多餸黎食，咕嚕肉,椒鹽豬扒,魚柳茄子,麻辣鴨血,三色肉碎蒸蛋，另外仲嗌左碗老火湯飲，今日個湯係粟米南瓜栗子豬骨湯，幾足料幾好飲。咁多個餸最深刻嘅係麻辣鴨血，因為通常都要打邊爐或者去小炒店先食到，而且個味煮得真係幾香，又麻又辣特別開胃。