荔香園冰室

入咗間好有香港特色既懷舊冰室，環境格局佈置好靚，牆身有好大既香港綠色鐵閘同電車！仲有好多細嘅相框黑白照，好適合打卡！📸

本來都諗緊食咩好，周圍睇睇其他人食咩，見到兩枱客都係叫左焗豬扒飯，賣相好似幾吸引。同見到餐牌，話係餐廳推介⋯

所以⋯
都係叫左份蕃茄焗豬扒飯
等左差不多15分鐘上枱🫢

勁！大！份！🤤🤤 差不多我塊面差甘大，
上面隻煎蛋好加分，成個賣相好靚好吸引！
好食，豬扒唔會好硬，加埋啲蕃茄汁同芝士，好味！另外叫咗杯香港特色飲品（茶走），杯野就不過不失！