齊柏林熱狗店 (好順意大廈) (好順意大廈)

营业中

休息中

因为成3点先揾野食，谂住揾啲无咁饱肚嘅嘢，行左圈决定食热狗，点知最后都系好饱😂外卖自取，等5分钟左右就有。叫左佢话热卖嘅澳式风情热狗，加左薯条同汽水。同张相一样咁大份足料，热狗包有烘过，暖暖哋又有少少脆皮，但入边亦保持松软。入边有纽伦堡肠，烟肉，菠萝同埋超级多嘅芝士加千岛酱，好邪恶！🤤芝士系有火炙过，热辣辣，同全部材料mix埋一齐，每啖都有香浓芝士味，仲可以拉丝添，正👍🏻薯条系粗薯，刚炸起非常香脆，重薯味。不过因为系拎走，所以落咗酱嘅位置会有少少淋左，不过依然系好味嘅😋真系唔好以为热狗食唔饱人，原来可以咁饱😂一齐支持下良心店啦！