金源 (已結業)

好少嚟青衣呢邊食野，附近餐廳都係同類型嘅街坊茶記，諗住是但揀一間啦，見呢間都唔少人食，點知就中左伏。叫左個雞中翼煎蛋蕃茄米線加茶走，杯茶走極澀好苦，好難飲。米線嚟到我就覺得出事喇，明明係羅宋湯嚟嘅，加d糖加d水就當蕃茄湯，諗住快快手食完填飽個肚就算喇，點知！食食下竟然見到條頭髮喎！侍應有幫我換過第碗，但係有成陣漂水味。聞到都唔想再食喇，唯有餓住走啦，呢次嘅用餐體驗好差，希望大家唔會好似我咁中伏啦。