影片
更多
2014-03-28
1494 浏览
夜晚同學仔週年晚飯，去返佢哋大圍主場食好嘢，原來喺隆亨村嘅冬菇亭。去得冬菇亭都預咗環境衛生無咁好，嘢食都喺大路大排檔或潮州嘢！不過原來依間《富記大排檔》真喺好有特色！老闆陳生非常風趣幽默，熱情好客，經常自稱靚仔陳，加埋佢招牌掃頭髮動作，真喺好攪笑！靚仔陳見我哋啱傾，介紹咗好多特色小炒俾我哋嘗試，佢話每樣餸試少少，但試多幾樣。而且最特色喺每個餸名，都特別攪笑！第一碟上枱喺靚仔陳主打嘅《富記齊齊魚》，靚仔陳話依個餸可以用上唔同嘅魚代替都可以，但秘訣喺條魚香煎半熟，再落湯喺客人面前煮熟！食材新鮮緊喺賣點啦，但喺湯底味道濃郁都好緊要喎，因為上枱煮熟，魚嘅肉質特別鮮甜可口，非常嫩滑！道餸食到尾聲嘅時候，靚仔陳仲送上一碗別出心裁嘅生菜俾我哋，落湯整熟嚟食！棟企排設嘅生菜，點都要影張相俾大家睇吓！關鍵仲喺後頭，靚仔陳話食剩嘅魚肉醉先喺精髓！果然好介紹，每粒小小肉醉都入哂濃湯嘅鮮味！其實食咗條魚已經半飽，靚仔陳再送上主打《富記小炒皇》！《小炒皇》用料同出面嘅都差唔多，但勝在夠哂鑊氣，食落乾身，鹹鹹地，唔會太油膩。好好奇問咩叫《憤怒的雞翼》，原來喺食完會令人有憤怒熱烘烘感覺嘅香辣雞翼！食材喺大碼雞翼，其
去得冬菇亭都預咗環境衛生無咁好，嘢食都喺大路大排檔或潮州嘢！不過原來依間《富記大排檔》真喺好有特色！
老闆陳生非常風趣幽默，熱情好客，經常自稱靚仔陳，加埋佢招牌掃頭髮動作，真喺好攪笑！靚仔陳見我哋啱傾，介紹咗好多特色小炒俾我哋嘗試，佢話每樣餸試少少，但試多幾樣。而且最特色喺每個餸名，都特別攪笑！
第一碟上枱喺靚仔陳主打嘅《富記齊齊魚》，靚仔陳話依個餸可以用上唔同嘅魚代替都可以，但秘訣喺條魚香煎半熟，再落湯喺客人面前煮熟！食材新鮮緊喺賣點啦，但喺湯底味道濃郁都好緊要喎，因為上枱煮熟，魚嘅肉質特別鮮甜可口，非常嫩滑！道餸食到尾聲嘅時候，靚仔陳仲送上一碗別出心裁嘅生菜俾我哋，落湯整熟嚟食！棟企排設嘅生菜，點都要影張相俾大家睇吓！關鍵仲喺後頭，靚仔陳話食剩嘅魚肉醉先喺精髓！果然好介紹，每粒小小肉醉都入哂濃湯嘅鮮味！
其實食咗條魚已經半飽，靚仔陳再送上主打《富記小炒皇》！《小炒皇》用料同出面嘅都差唔多，但勝在夠哂鑊氣，食落乾身，鹹鹹地，唔會太油膩。
好好奇問咩叫《憤怒的雞翼》，原來喺食完會令人有憤怒熱烘烘感覺嘅香辣雞翼！食材喺大碼雞翼，其實真喺好太隻！而已好有肉，加上靚仔陳秘方，每隻雞翼都好入味，肉質彈牙又香口！帶少少香辣嘅味道，即刻有憤怒 mode！
再嚟主打《富記炸大腸》！其實大排檔炸大腸，我都食過唔少，好多炸完都好淋唔脆，一係就有種臭味！富記嘅炸大腸外皮炸到香脆可口，非常乾身又洗得乾淨！好食！
《富記燒乳鴨》，靚仔陳堅持我哋一定要用手撕嚟食！我個人覺得《燒乳鴨》又喺一絕，成日乳鴨燒到皮脆肉滑，唔油膩之餘，又乾身！可見師傅功架十足！
好多大排整《椒鹽鮮魷、煎魚餅》都上一層厚厚嘅蛋漿，再落鑊油炸。但富記整嘅同出面嘅唔同做法！蛋漿厚度啱啱好，食到鮮魷魚餅嘅彈牙！
又好好奇問咩叫《有點抱歉的蒸蛋》，靚仔陳即刻扮哂抱歉話：唔好意思，你食吓先！點解叫有點抱歉呢？原來蒸出嚟水蛋，有層光澤喺面，睇落令人聯想到水汪汪嘅眼淚！所以喺《有點抱歉的蒸蛋》！雖然有啲抱歉，但食落絕對唔抱歉，仲好有派頭！越簡單嘅餸，越難煮得好食，簡單厚厚嘅蒸水蛋，有種結實滑流嘅感覺！明顯溝咗好少水！食落有種鮮甜味，開頭以為落咗蒸魚豉油，靚仔陳話喺原來喺調味料調整出嚟。
最後我叫咗《鹵水拼盤》嚟吓，睇吓師傅嘅鹵水汁！雖然無其他大排檔嘅咁入味，但味道反而更適中，啱啱好！
最後，我個人覺得最有特色喺依隻打斜酒杯，非常特別。富記大排檔，值得推介！
张贴
