三一餃子 (通菜街)

营业中

休息中

位於旺角嘅人氣餃子店 -「三一餃子」主打香港本土特色融入餃子之內，除左餃子外，仲有提供多款小食同湯麵🤗泡菜芝士玉子燒餃子 $72招牌餃子貳號 拼 韭菜蝦皮豬肉餃將韓風嘅泡菜混合左芝士，加埋日式嘅玉子燒嘅原素，製作成創意料理餃子，仲可以揀一半有辣醬，一半無辣醬，岩晒同唔食辣嘅朋友一齊食。餃子皮薄餡靚，有香濃新鮮豬肉，煎至外脆內多汁，味道相當豐富。火焰醉雞翼 $48上枱後，店員係面前點火，好有睇頭🤩雞翼入口帶有酒香味同焦香，雞皮脆卜卜，肉質嫰滑，蘸埋柚子蜜同食，好清新美味。關東煮 $38湯底用上鏗魚昆布湯，味道清甜，材料包括溫泉蛋、蘿蔔、竹輪同冬菇等，好豐富。甘煮野菜 $29湯底都係用上鏗魚昆布湯，材料有椰菜、冬菇、蘿蔔同芋絲等，可以平衡番膩感。日本清酒鮮榨生貯藏酒 150ml $58清爽的口感帶有濃郁的米香，味道清新，配搭餃子一流。冷萃綠茶 $9味道甘甜，口感清透。熱柚子茶 $9味道濃郁，飲落去中和下滯膩感。