The Blind Pig (諾士佛臺) (已結業)

-🔸新豬肉肉醬意粉 $148🔸招牌豬手脆條配甜辣醬 $128🔸香煎海鱸魚配西班牙辣肉腸 $178🔸香蕉麵包布甸配拖肥醬 $78🔸Strawberry Rum Mule $88🔸Lychee Tea $75-約咗好朋友食嘢吹水，揀咗諾士佛台依間The Blind Pig，聽朋友講佢哋會選用豬最靚嘅位做菜式，確保食材係最優質同新鮮。炸豬手脆條令我大開眼界呢，將豬手切成一條條好容易食，炸得火候剛剛好，外脆內軟。仲第一次試到用新豬肉整成嘅肉醬意粉，唔講真係食唔出係素食嚟啊，同普通肉醬意粉冇乜分別！兩個女仔當然要食甜品啦！我們揀咗香蕉麵包布甸，有別於一般傳統的麵包布甸，冇提子乾，內裏有香蕉粒跟香蕉蓉，有濃郁嘅香蕉味，而且雲呢拿汁稀稠度適中，簡直係完美的組合。連伴碟嘅香蕉有一層薄薄嘅焦糖，脆而不硬，大大加分，配合雪糕一齊品嚐甜而不膩。