利寶閣 (已結業)

今日年初四去利寶閣飲茶， 有人本身對花生敏感而且平時亦唔食前菜所以叫supervisor收返個花生， 點知佢同我講冇得退， 咁我心諗住算啦一碟花生值幾多咁就冇理。 點知到埋單先知佢個碟油到乜既花生係按人頭計， 我地4個人加埋一，碟花生要成40蚊，如果12人咪要120蚊？ 咁樣做生意咁唔老實， 啲野食又馬馬虎虎， 我地落左order 要成30分鐘先有個煎魚餅到，都算啦， 點知凍既？！ 有冇搞錯呀🤯新年流流都係想開開心心， 點知我地埋單既時候個個黑口黑面既supervisor 攞張單黎， 我對緊單既時候佢叫我俾返張單佢， 我問點解？ 佢話：人地（我朋友） 俾左卡啦， 攞返張單黎啦！ 我即係係到諗我係唔係要俾佢之餘再加句對唔住阻住佢。 總知野又唔係好食， 地方又唔係靚，啲人態度又差，我食完之後都問自己點解新年流流會咁唔好彩。