星泰真味 (已結業)

早上諗住去快圖美攞相，點知舖頭未開門所以就喺附近搵間餐廳食個早餐等到佢開門，但十點幾竟然好多餐廳都未開剩係得呢間開咗，喺門口企坐陣都無人招呼，所以就自動波入座。張枱都幾污糟吓 😊 係等食途中發生咗段小插曲，見到有位女顧客坐咗係四人枱，之後女侍應走埋去問佢幾多個人食，女顧客話得一個人食，之後女侍應就連珠爆發話佢好坐四人枱，之後位女顧客就話返個女侍應又係你叫我自己搵位，之後女顧客食都無食就走咗了，餐廳咁嘅服務質素真係差啲喎。歐陸早餐 ($34) : 味道普通毫無特別，除咗塊牛扒係大塊啲之外，其他食物都有點迷你，以為自己叫咗兒童餐 😂 而加錢配嘅雪菜肉絲米粉，啲雪菜肉絲都唔係好貴姐 🥲 埋單 $41 蚊，如果以呢個價錢其實食大家樂重正過佢。