星橋居酒屋

营业中

休息中

在中環既嘉咸街有間別樹一格既日本餐廳星橋，環境幾靚有特色！店員服務非常親切有禮。menu價錢唔貴幾親民！梅子蕃茄，大大隻蕃茄好爽脆又多汁，非常清新，經過調味後帶點梅子既酸香，清爽又開胃！汁燒牛肉葱卷，牛肉緊緊包住日本葱，牛肉汁燒後入味又夠香濃！之後帶香葱既餘韻，清新爽口，整個配搭幾好。燒白鱔，燒到外層香脆而又 keep到肉質夠嫩又多汁！又唔會帶草腥味，燒既時間剛好keep到嫩滑感。調味幾好唔會太咸。海膽壽司口感creamy, 味道自然帶鮮甜，是新鮮既味道！左口魚裙邊經過燒香後，油香相當澎湃，入口即溶既感覺非常難忘！松葉蟹膏蟹肉炒飯非常足料又夠大份，炒得粒粒分明，口腔滲出陣陣蟹膏香氣幾過癮！蛋香葱香都幾到位，蟹籽令食起黎更有層次感。