影片
更多
2017-12-09
368 浏览
一直想去屯門行下，朋友介紹左我地食天聚源海鮮鍋。事先搵定路線，要去西鐵兆康站轉輕鐵到藍地，原以為去屯門好遠，但車程其實都好快到，不過一到藍地即時有種鄉村feel。地點距離輕鐵站唔遠，好快搵到，在門口望入去以為地方細細，得幾張枱，點知職員帶路入去即時雙眼一亮，一大片露天座位，再有獨立小屋嘅室內場地，枱與枱之間都唔會太逼，坐得幾舒服，同在油尖旺區人逼人咁坐簡直完勝。同家人食左嗰398海鮮鍋套餐，有龍蝦、蟶子、扇貝、海蝦、滑雞、烏冬、沙律和一堆蜆（唔太識分）。等鍋水滾嘅時候，先食沙律過口癮，沙律份量唔少，菜清甜，搭配微酸嘅醋，開胃好食。另外有胡麻醬撈烏冬，烏冬質地唔錯，唯一缺點係胡麻醬少左啲。水滾開始食重點海鮮，每枱都有計時器和時間表，以便DIY，仲有放定辣椒和鼓油供食客蘸。首先挑戰龍蝦，蒸左大約5分鐘，即刻夾出黎食，以前食嘅都係芝士焗蒜茸焗，難得食一次清蒸，意外鮮味好食。再黎一堆貝殼嘅（繼續唔識分）、蟶子、扇貝等。不斷蒸，倒數計時，夾走無限loop。開蓋時要小心蒸氣湧出辣手。食海鮮最重要係新鮮，這裡嘅海鮮都十分到位，蒸完食落鮮甜爽口。扇貝係唯一失敗唔小心蒸耐左，有少少靭蟶子相當清甜蝦味道唔
事先搵定路線，要去西鐵兆康站轉輕鐵到藍地，原以為去屯門好遠，但車程其實都好快到，不過一到藍地即時有種鄉村feel。
地點距離輕鐵站唔遠，好快搵到，在門口望入去以為地方細細，得幾張枱，點知職員帶路入去即時雙眼一亮，一大片露天座位，再有獨立小屋嘅室內場地，枱與枱之間都唔會太逼，坐得幾舒服，同在油尖旺區人逼人咁坐簡直完勝。
同家人食左嗰398海鮮鍋套餐，有龍蝦、蟶子、扇貝、海蝦、滑雞、烏冬、沙律和一堆蜆（唔太識分）。
等鍋水滾嘅時候，先食沙律過口癮，沙律份量唔少，菜清甜，搭配微酸嘅醋，開胃好食。另外有胡麻醬撈烏冬，烏冬質地唔錯，唯一缺點係胡麻醬少左啲。
水滾開始食重點海鮮，每枱都有計時器和時間表，以便DIY，仲有放定辣椒和鼓油供食客蘸。
首先挑戰龍蝦，蒸左大約5分鐘，即刻夾出黎食，以前食嘅都係芝士焗蒜茸焗，難得食一次清蒸，意外鮮味好食。
再黎一堆貝殼嘅（繼續唔識分）、蟶子、扇貝等。不斷蒸，倒數計時，夾走無限loop。開蓋時要小心蒸氣湧出辣手。
食海鮮最重要係新鮮，這裡嘅海鮮都十分到位，蒸完食落鮮甜爽口。
扇貝係唯一失敗唔小心蒸耐左，有少少靭
蟶子相當清甜
蝦味道唔重，但口感一流
最好味係蜆貝，蒸熟之後帳卜卜，鎖住略帶海水咸味嘅汁，完全唔洗蘸鼓油
食海鮮中途，飲返杯大大嘅啤酒，清涼透心。
所有海鮮食晒之後，蒸埋雞件，
雞件好滑，雞油滲漏到鍋底嘅粥
最後搵職員幫手，加少少菜絲滾粥，
粥裡面集合左各海鮮同雞嘅精髓，完美終結，令人回味無窮。
滿足完口腹之後，在藍地悠閒咁行返陣，慢悠悠離開屯門。
张贴
