初見 (已結業)

出到旺角，一定要同朋友食啲性價比高、食物出色的地方，唔可以浪費食野嘅Quota😆😆 初見雖然係小店，但食物選擇眾多，想食咩都滿足到😝 🐗初見香草吉列牛 ($138)配有白飯同溏心蛋，我就加左$8轉稻庭烏冬 (或者可以轉拉麵)🤭香草吉列牛面層有一層薄薄嘅綠色香草炸漿包住舊牛，牛肉嘅色澤好靚😍食之前用舊鮮牛油起塊石板上 ‘起鑊’ , 就可以落塊牛慢慢石燒，生熟程度自己控制。食落唔算好濃香草味，同牛味好balance, 而且肉質鮮嫩軟稔，超正😌😋餐盆仲付有兩款調味🧂，幼鹽及鹽醬，但就咁食都已經好好味。 🍲安格斯牛肉鍋(味噌湯配白飯) $88呢個鍋嘅性價比真係無得比😎😎，賣相和材料豐富，有好多菜、金菇、豆腐、鳴門卷、獅子狗、蒟蒻等等。仲有大大份安格斯牛，🥩雪花脂肪分布夠平均，唔係一般好多肥膏嘅肥牛。牛味都算濃郁，而且都係軟滑爽口，口感唔錯。有一個蒜味醬汁配料，更加惹味。 各款主食可加$38升級套餐，刺身一客+湯品(可選擇日式麵豉湯或南瓜湯)+熱茶刺身每件都好肥美，而我地選擇左香滑嘅南瓜湯，好味