民華餐廳

营业中

休息中

六点左右闲逛至旺角街头，无咩事做当然就要开始觅食。同行人大力推荐民华餐厅嘅蕃茄汤，无咩想食嘅我一于试下到底有几好味。常餐：烘烤牛油多士、香肠、炒蛋由于我好钟意烘烤过嘅多士，见到当然要点啦～仲要唔使加两蚊烘底，非常好。多士烘得香脆，唔会太硬。配以薄薄一层牛油，更添牛油香，但唔会太有罪恶感。香肠应该系厨师肠，无咩特别，纯粹怀旧下。炒蛋颇滑，都食到蛋香味。常餐：蕃茄叉烧通粉蕃茄汤底较一般餐厅浓稠，酸酸甜甜。个人而言比较欣赏叉烧，因为真系几香，唔似普通连锁快餐店嘅颓叉烧。肉质唔干，又唔会太肥，拣得几靓。小食：西多士简单一碟西多士，但食完一块就令人好有满足感。即使食完明知好高热量，都忍唔住继续食。厚多士上碟时已斩开九小件，夹层应该有搽少少牛油，面层则有炼奶及牛油，邪恶程度与美味程度成正比。多士炸至金黄脆口，咬落绵香，炼奶及牛油充分渗入多士。重点系20蚊就食到，真心觉得抵食。点心：鸡扎鸡扎相对地普通，不过不失。算几大件，鸡肉滑嫩，芋头份量都不吝啬。总括而言，呢间嘅叉烧同西多士真系值得一试，价钱唔贵都系我回头原因之一。