🔸香草慢煮扁豆🔸
雖然有條大辣椒，但飲落完全唔辣，扁豆蓉湯飽肚又暖胃，濃郁嘅香料味令味道更豐富！
🔸紅菜頭脆炸球配乳酪醬🔸
薄薄香脆嘅外皮，咬開見到色彩鮮艷嘅紅菜頭餡，配上微酸哋乳酪醬，健康好味嘅素食之選👍
🔸慢煮卡拉牛肉配蒜蓉烤餅🔸
經過5小時慢煮，牛肉充分吸收香料味同醬汁，肉質超級軟腍，牛味仲好濃郁🤤MVP係熱辣辣嘅蒜蓉烤餅，真係食唔停口😋
🔸低糖氣泡茶🔸
飯後飲返杯氣泡茶，酸甜有果味，消滯解膩好清新✨
孟加拉菜幾有驚喜，餐廳係烹調上認真又講究，多種香料配搭，菜式味道有層次，下次一於帶其他朋友嚟再食其他菜式！
