影片
更多
2020-09-10
212 浏览
以前食過印度菜，專食印度素菜的餐廳真係第一次！環境裝修色彩繽紛，亦有不少香港人幫襯，相信大家都對印度菜充滿好奇心。先提提大家，支裝礦泉水要收費，想飲免費的可以叫店員提供Tap Water。《印度特色薄荷水配炸圓脆餅Pani Puri $70》記得第一次認識呢款印度街頭小食係睇旅遊節目，當時印象好似都係一般般。不過既然黎到印度餐廳，點都要試下既 店員即場示範食法，先淋醬汁，再落薄荷水至七分滿，然後整個放入口，隔太耐先食個底有可能會淋左或穿左，味道甜甜地又脆口，估唔到有特色之餘又幾好食！《印度粘土烤蘑菇串燒Do Rukha Khumb $95》表面微微燒過有焦香，蘑菇裡面釀滿奶酪芝士，亦有加入不同香料豐富味蕾，另配薄荷醬，蘑菇幾Juicy，芝味濃郁，食食下會有啲膩。《奶酪番茄馬薩拉Paneer Tikka Lababdar $85》原本想叫另一款，店員善意提醒嗰款好重口味，未必適合香港人，反而推介左奶酪番茄馬薩拉比我地，非常細心！味道亦無令我地失望，番茄味好濃郁，口感Creamy得黎好Cheesy，裡面有啲一粒粒芝士《蒜味烤餅Garlic Naan $30》Garlic Naan熱辣辣上
以前食過印度菜，專食印度素菜的餐廳真係第一次！環境裝修色彩繽紛，亦有不少香港人幫襯，相信大家都對印度菜充滿好奇心。
先提提大家，支裝礦泉水要收費，想飲免費的可以叫店員提供Tap Water。
《印度特色薄荷水配炸圓脆餅Pani Puri $70》
記得第一次認識呢款印度街頭小食係睇旅遊節目，當時印象好似都係一般般。不過既然黎到印度餐廳，點都要試下既 店員即場示範食法，先淋醬汁，再落薄荷水至七分滿，然後整個放入口，隔太耐先食個底有可能會淋左或穿左，味道甜甜地又脆口，估唔到有特色之餘又幾好食！
《印度粘土烤蘑菇串燒Do Rukha Khumb $95》
表面微微燒過有焦香，蘑菇裡面釀滿奶酪芝士，亦有加入不同香料豐富味蕾，另配薄荷醬，蘑菇幾Juicy，芝味濃郁，食食下會有啲膩。
《奶酪番茄馬薩拉Paneer Tikka Lababdar $85》
原本想叫另一款，店員善意提醒嗰款好重口味，未必適合香港人，反而推介左奶酪番茄馬薩拉比我地，非常細心！味道亦無令我地失望，番茄味好濃郁，口感Creamy得黎好Cheesy，裡面有啲一粒粒芝士
《蒜味烤餅Garlic Naan $30》
Garlic Naan熱辣辣上，邊位好脆身，中間超級軟熟，蒜味同牛油味好Balance，Dip埋奶酪番茄馬薩拉真係超好食，食完仲想Encore添。
《印度特色新地Falooda Kulfi $75》
一場黎到，無理由唔食埋個甜品先走。傳統印度雪糕配煉奶，質感厚實Creamy，有啲似開心果味雪糕，配搭印度甜粉絲及玫瑰糖漿，整體感覺係好甜。
《印度芒果奶昔 $49》
店員推介芒果乳酪，加入茴香、乳酸，味道清新，同時又飲到咸甜兩種味道，幾有新鮮感。
《印度奶茶 $35》
個人覺得有啲似平時飲開既熱奶茶，茶味無港色咁濃郁，呢杯普普通通。
张贴
