心裡有素 (已結業)

心裡有素 素食自助餐 油麻地原本對於素食冇咩期待，以為都係食下菜，食自助餐先知道原來款式可以有咁多變，食完亦都覺得其實好滿足！素食自助餐入面印象比較深刻嘅係炸物，例如糖醋淮山、金沙秋葵或炸金針菇等等，其實素食都好香口，滿足到食慾！而且當炸好之後，侍應姐姐會行去每一台夾俾你，可以唔使行出去又食到即炸嘅食物！另外凍食方面亦都吸引，自己好鍾意食醋漬蕃茄、麻醬青瓜同埋麻辣粉皮！另外亦都有唔同整法嘅菜，有時清吓腸胃都幾好！