石之牛石板日式料理 (已結業)

琴日屋企人冇煮飯，就去咗屋企附近一間新開嘅餐廳食石燒牛扒。門口有部機，可以自助點餐，好方便。餐廳都有好多唔同嘅選擇例如有，牛小排，西冷牛扒，肉眼牛扒等等。如果唔想食牛，都有好多唔同選擇例如鰻魚，羊架，雞扒等等。點完餐之後，就可以自助去拎湯，飯，同埋沙律。我哋叫咗一份牛肩胛同埋西冷牛扒。每一個餐都會跟薯條同埋粟米。薯條係即叫即炸，食落卜卜脆。粟米都好甜同好香牛油味。西冷牛扒好大舊，食落好有牛味。西冷牛扒比較多油花。另外，牛肩胛肉質好軟腍，食落好juicy。我比較鍾意食牛肩胛多啲。