長發海鮮酒家 (已結業)

朋友介紹鰂魚涌有間海鮮蒸氣火鍋酒家所以就過去試下。雖然海鮮蒸氣火鍋已經興左一排，但今次先第一次食，所以滿心期待同朋友選擇了最平果個餐。A餐：$298/位生猛海中蝦兩隻蘇格蘭特大蟶子一隻日本大元貝一隻美國石蠔一隻紐西蘭馬刀貝一隻韓國黃金貝一隻新鮮排骨南瓜粥和牛粒四粒蔬菜一份出面有個自助醬料區，有炸蒜，乾蒜，芫荽，香蔥，辣椒等等...可以自己出去任fill。首先有店員將生米同南瓜排骨一齊放入煲入面，跟住開動蒸籠，逐一將唔同嘅海鮮放喺蒸籠上邊蒸，每樣海鮮嘅蒸煮時間都有所不同。其實所有海鮮都好新鮮，蒸煮時間控制得好好，海鮮樣樣都好嫩滑清甜。食晒所有海鮮後，再加埋香蔥落個粥底到，個粥煮得好錦好香好甜。好好味。