上上拉麵小籠包 (已結業)

朋友相約飯聚，選左上上拉麵小籠包。9時到達，顧客已經有近八成。我地4個被引領到一張六人長枱，坐得舒適、寬敞。首先，我地點左一個雞絲粉皮， 雞肉有味道，粉皮幼滑不厚身。食過好多雞絲粉皮，很多沒雞味，呢間唔錯! 食上海嘢， 點可以唔叫小籠包呀?依個小籠包皮薄， 但唔會一夾就穿， 而且好多肉汁， 味道又唔會好鹹。有D人食小籠包時會鍾意配埋黑醋一齊食。不過我就鍾意食佢的原汁原味，所以唔點黑醋的。總括黎講， 食物味道唔錯，而且價錢唔算貴.4個人都係每人大約HK$120埋單姐。