十和田 (已結業)

我哋一家本身超鍾意食十和田。疫情期間，見屋企附近嘅新蒲崗分店晚市比平時少好多人，所以都會成日外賣自取，希望佢多啲生意，唔想佢執笠。今晚經過，特登買咗其中一個好好食嘅火炙左口魚裙邊丼。返到屋企，打開嘅時候發覺佢比平時嘅份量少左差唔多一半：飯又少，海膽有少，同埋唔係好新鮮，所以打電話去店舖問係咪落單有誤會。點知店員不停話不嬲份量係少，仲話＂咁你想點？＂其實我好心打電話嚟，只係想提醒你哋改善下啫。如果想你換或退錢嘅話，我就會親自落嚟啦。近排你哋啲嘢食嘅質素已經越嚟越差，我都嚟幫襯，係因為見到附近開咗間日本嘢食，排晒長龍，你哋就拍烏蠅，所以先嚟支持下。咁樣都俾人激一餐飽，以後唔使再食啦，多謝晒～