海皇粥店 (駱克道) (已結業)

天氣凍，除咗打邊爐或者食一碗熱辣辣嘅湯麵之外，粥又唔會係你嘅保暖選擇呢？今日同A姐去到銅鑼灣嘅海皇粥店，其實同自己鍾意嘅人一齊，簡簡單單食碗粥，真係鹹魚白粥已經好幸福。炸腸每次去粥店，A姐最鍾意就係炸兩，佢話炸兩嘅腸粉軟綿綿，而入面嘅油炸鬼脆卜卜，係佢嘅最愛！而海皇粥店嘅布拉腸粉，更透薄嫩滑。加埋甜醬同麻醬，更加惹味。炒麵作為快餐店，炒麵當然係預先炒起，好彩仲夠熱，而銀芽份量都唔少。XO醬煎蘿蔔糕要留意嘅係XO醬煎蘿蔔糕，唔係XO醬炒蘿蔔糕。所以蘿蔔糕嘅XO醬唔夠入味，但蘿蔔糕係即叫即煎，加返分！生滾及弟粥識食粥嘅一定係食及弟粥，因為及底粥嘅料入晒粥底，特別鮮甜！呢個生滾及弟粥即叫即整，夠晒熱，而且份量十足，豬膶彈牙香口， 粥底棉密！菜乾排骨粥A姐話以前食完海皇粥店，一定會狂飲水，但今次嚟到海皇粥店發覺變咗好多，多咗好多食物選擇，連蒸魚、糯米飯等等都有，而且粥底唔會太鹹太多味精，所以呢碗菜乾排骨粥合格，而且勁多排骨，好抵食。