圃公館 (已結業)

去到近跑馬地嘅帝盛酒店，酒店之中嘅圃公館食團年飯，環境好、食物亦好好食。先有熱辣辣嘅砂窩雲吞翅，係滾熱嘅雞湯放係份量夠多嘅翅中，排翅唔會散亂、極有紋理而又爽滑，靚雞湯再配埋嫩滑雞肉，絕對係十級正。小菜有鐵板薑蔥美國桶蠔出色美味，桶蠔肉厚、鮮味足，跟薑蔥醬汁配合得好好，係鐵板熱辣辣咁食、夠晒惹味。而黑椒汁野菌A5和牛粒口感嫩滑，黑椒汁啱啱好，唔會蓋過和牛嘅味道，保持到牛香味。唔好以為係酒店食飯就一定好貴，但係新張期內推廣，係facebook check in之後，就即刻得到cash coupon, 最多可以用$500，計落成晚平好多。