小神燈新派飯館 (已結業)

上次食過佐敦「神燈」的糯米炒膏蟹真係念念不忘，原來調景嶺都有一間「小神燈」，今次帶屋企人一齊嚟食晚餐小館蔟新雅緻，裝修走新派中菜館風格又不失懷舊風，相比佐敦舊店坐得更舒適先奉上餐前小食 ($15)==========🔹糯米炒膏蟹 $568 (3月晚市優惠$428)以大砂鍋奉上，令整個糯米飯保持熱度原隻鮮艷膏蟹加上份量不少的翠綠芫茜，賣相吸引蟹膏份量豐富，鮮甜甘香而口感紮實；蟹身及蟹鉗肉嫩新鮮，蟹肉雪白糯米飯足兩飯碗，蟹膏及蟹肉鮮味滲到糯米飯內，份外滋味==========🔹廚皇豉椒炒鵝腸 $138加入大量三色椒，紫洋蔥及大蔥 長長的鵝腸清理得乾淨，鵝腸帶不錯爽脆感豉汁調味恰當不過鹹，整體鑊氣足==========🔹蔥蒜水晶雞 (半隻) $148以大量蔥蒜鋪面雞肉嫩滑有嚼勁，雞皮軟滑似啫喱口感，蔥蒜香皆突出帶點微辣==========🔹石澳梅菜蒸菜心 $108油、糖及鹽的份量皆可選，夠貼心點咗少油及少鹽菜心蒸煮時間正好，菜心鮮嫩有菜味足；梅菜味道微甜令整個菜的味道層次提升==========🔹楊枝甘露 $30柚子份量豐富，芒果香甜，糖水帶淡淡椰香==========茗茶每位$13，收取加