瓏庭

营业中

休息中

今日同老公去左馬鞍山探朋友，佢哋有約夜晚就唔同我哋食飯，而佢哋推介左附近間酒樓比我哋，嘢食質素唔錯架。酒樓空間感大，有氣勢，環境好乾淨。餐牌有唔同種類，價值合理。另外侍應有禮貌，對客人好殷勤，只要碟有骨，都會主動幫客人更換。瓏庭炸子雞：半隻都幾大隻，皮薄脆口，皮與肉中間脂肪唔多，多肉嫩滑，點埋旁邊豉油仲好食，幾好味。精選海上鮮：目測沙巴龍躉超過一斤，連職員都話條魚好大條。魚好新鮮，蒸嘅時間剛剛好，唔會過熟，魚肉甜，唔腥，滑溜，幾好。金銀蒜鮮魷籠仔蒸飯：熱辣辣，食得出魷魚鮮味，爽口，好香蒜味，飯加左雞蛋去蒸，蛋味香，不用加任何調味料已經好好食。海味粉絲雜菜煲：雜菜種類好多，有菜心、生菜、西蘭花、小棠菜、白菜仔同椰菜，都係第一次見，幾有心機。海味有冬菇同蝦米，用左高湯去煮，無油清淡但好夠味。整體份量非常多，係每一款配料都多，成個煲滿晒，一D都唔姑寒。紅豆沙：裡面好有多紅豆，紅豆已煮淋，加左少少橙皮，唔太甜，就算係免費送嘅甜品，都唔會話馬虎。