美心香港地 (已結業)

今日去行山前嘆返個豐富早餐先，食開快餐早餐多，今次轉下，逢星期日香港地都係超級多人，今日星期六就好好多，加上時間尚早，唔洗等添，正！同幾個Friend去，一人一個餐，我自己就食咗個新嘢，"牛尾湯班尼粉，茄汁豆扒蕃茄，日本農場烚蛋就轉咗做反蛋，香脆豬仔包，加多杯凍奶茶"，只係講個餐已經咁長，就知道有幾豐富啦！講到味道又真係好得，牛尾湯好香濃，唔味精唔會好鹹，啱啱好，又多湯料，通粉淋嘅程度啱啱好，真係掂。反而係個脆豬就唔係好脆，口感韌咗D，有D唔係預期，整體都OK啦！我老婆就穩陣喇，永遠第一次試新舖頭早餐，都係嗰隻，"仿鮑魚火腿絲通粉，日本農場炒滑蛋，牛油厚多士，熱華田"，佢話咁先食到好唔好味，不過佢次次都話通粉好味㗎啦，唉...，不過佢比咗半塊厚多士比我，噢... 甜的，感覺怪怪的，本人就麻麻地Like，不過D朋友就話幾好喎！