四寶食堂 (已結業)

一直覺得旺角人多車多，特別係西洋菜街附近間間餐廳都人多又唔太衛生 不過上星期去咗新寶睇戲，一出來就見到斜對面有間裝修好起眼嘅冰室 唔知係唔係用咗Tiffany Blue加少少金色調，望落好舒服清新就黎月尾要慳啲洗，所以諗住試一試呢間始終冰室來講唔太貴整體Menu非常之多選擇，估唔到同時有好多西餐揀，配埋佢餐廳個招點所在 大花牆 成件事都好靚仔！不過口痕想試試佢個招牌沙嗲牛肉麵，下次先再下其他好似好吸引嘅西餐一嚟到其實有少少嚇親我，因為冇諗過跟餐嘅炒蛋份量如此之多，食咁多次常餐都未試過個炒蛋係食唔晒🤣🤣🤣 奶味出 又香滑 好唔錯，而另外個丹麥多士有別於平時食開嗰啲，好香牛油味同埋好鬆軟到主菜來了：沙嗲牛肉分量十足一上枱已經聞到一陣沙嗲花生香味... 不過對於我來講稍嫌辣咗少少，我唔食得辣🤣🙈牛肉入味腍身，麵條彈牙掛湯， 硬度岩岩好另外我哋仲嗌左個咸蛋雞翼，呢個有驚喜，鹹蛋味好香好開胃，炸雞翼就算炸得好脆，入面雞肉仲可以鎖住肉汁！正下次去旺角都會再黎食！