Honbo (裝修中)

呢間漢堡之前已經有聽朋友介紹過，今日去開灣仔，所以就特登嚟回一回佢。餐廳嘅裝修好花心思，而且己有氣氛，啱晒鍾意打卡嘅我哈哈。漢堡方便選擇唔係特別多，主要都係主打佢哋嘅自家製漢堡扒。Impossible burger 估唔到呢度都有提供素食impossible burger，依家素肉真係越嚟越普及，眼見越來越多餐廳有提供，所以我都叫咗個試吓。如果唔話我知呢個係素肉，我完全唔會覺得有咩唔同，食落同真肉好似，而且同正常漢堡一樣惹味，真心有驚喜。另外朋友就叫咗一個招牌漢堡，漢堡比想像中細，但係佢哋嘅招牌漢堡扒真係好出色，如果分量大啲就更加好了我哋兩個都有加錢轉套餐，鍾意食番薯條嘅我就額外再加左錢轉蕃薯條，佢係屬於粗身嘅薯條而且表面晒有糖粒，即叫即炸所以都幾好食。嘢飲方面我哋就叫咗可樂同lemonade ，超級推介佢哋嘅招牌lemonade，酸酸甜甜真係好開胃，同埋漢堡一齊食又可以解漏！