金馬餐廳 (已結業)

前排行過佐敦見到有間新茶餐廳，個門口裝修得幾靚所以試下。餐牌上都係一般茶餐廳會有既食物，見到呢雙拼扒餐都係$39，個配汁都幾特別︰南瓜黑椒汁、日式照燒汁等。最後都揀左牛扒、豬扒、雞扒同魚柳跟意粉。難得茶餐廳係用鐵板上，有意粉分開上之餘個鐵板有好多薯條，都炸得幾香脆。雖然話係南瓜黑椒汁，但係除左黑椒味之外，一d南瓜味都冇。個日式照燒汁其實係一般燒汁，冇乜日本風味喎。全個餐有湯(冇餐飽!)加飲品都係$39，算係抵啦。仲有成間舖冇一個位置係睇唔到電視既，你想靜下都難。