FLIPPER'S (已結業)

連續一個禮拜都凍到傻，唔食多d野點可以夠暖呀！梗係要儲脂啦一路都想試呢間人氣pancake, 黎過一次人太多隊太長就放棄左，今日咁岩早左出到銅記，就搏一搏拎飛啦！十一點幾去到已經有十幾個人排緊隊喇，唔想等walk in 就問下姐姐有冇飛拎晏d 再黎啦！ 好好彩咁拎到一點黎食既飛！ 正！ 行個誠品求其食個頹lunch 再返黎食甜品啦！準時一點返到去，長龍依舊仍在，但係由於我有飛所以可以直入..食左lunch關係就兩個人share 一個pancake 加叫杯野飲啦！ 叫左朱古力香蕉pancake 加個焦糖咖啡☕️個咖啡偏甜不過正知我心意! 個pancake 大約等左廿分鐘，賣相一流，份量都唔細，有三個，香蕉半條再加雪糕！ 相機食完到我食喇，口感略為有d 軟化，空氣感十足，一陣風就食完，其實味道可以不過唔係驚為天人囉，性價比唔高，排隊更加唔會等，可以一試，除非有新野否則都係一次就夠喇手！