泰邊爐 (已結業)

經常係旺角打邊爐，基本上每一間都係差不多，今次係街頭收到張傳單，見到泰式打邊爐，用泰式湯底，同埋都係＄198可以任飲任食，再加埋一都係二百幾，價錢同其他火鍋任食差不多，真係好吸引，於是就同朋友搭lift上9樓，侍應安排好坐位，就立即揀個湯底，加＄20可以要鴛鴦鍋，就分別要兩個泰式湯底，冬蔭公和椰子雞，冬蔭公湯另外有一碟配料，有兩隻大蝦，青檸等等，話係用來放落湯，煮個冬蔭公湯趁個湯底未滾起，出去拎下火鍋配料，配料種䫶好多，有好多不同的丸，菇和餃，還有泰式魚餅，泰式肉丸，旁邊還有甜品區和熟食區，熟食都有好多選擇，例如生菜包，炒飯，咖哩角等拎完火鍋料，之前劃的肥牛，豬下青都送到來，先食隻大頭蝦，好大隻仲有好多膏，同埋有冬蔭公辣辣地，更加惹味另一邊椰子雞，湯入面有好多椰子肉，再加埋雞肉，還有香芧，其他香葉，湯底好清甜，怕辣可以食呢邊中和一下到最尾要食埋碗涼粉，可以感覺無咁熱氣，最後埋單兩個人四百幾，食足兩個鐘有多，真係值得下次再來。