聯邦皇宮 (已結業)

冬至同家人團聚食晚飯，通常都唔會求其，事關一年都係一次，Budget上都唔會少，但又唔會大氣到離地，要配合到家人既taste,所以結論就係揀左東薈城呢間聯邦皇宮喇。入到去聯邦皇宮果刻，我覺得裏面既場景好華麗，上天花板佈置左bling bling水晶吊燈，富麗堂皇，充滿山寨皇宮的氣氛。同家人圍坐既時候，我覺得好溫暖同舒適，食野既時候，食得好自由同舒暢，由於地理位置既關係，你會發現隔離枱都充滿大陸人既普通話同外國人既英文，不過重點係食物既味道同質素，鮑魚圖就影到好似好大，實際上就係一口鮑既size，味道係罐頭鮑魚既味，另外，有兩碟都係綠色蔬菜既菜色，芝士汁龍蝦同石班都好食，埋單總共千六蚊盛惠。大時大節來講認真抵食。