沙田新強記燒鵝海鮮酒家

营业中

休息中

適逢入冬後，第一個寒冷驚報就心郁郁，食羊腩煲，打邊爐定係麻辣雞煲。最後心血來潮唸起嗰日經過大圍新強記見到menu有味火腩大鱔煲就唸到又肥美又暖胃。入座後就即刻點咗個鱔煲，同餐廳招牌脆皮燒乳鴿。同埋cp值高嘅小炒皇。首先講反今次嘅目標蒜子炆火腩大鱔煲，果然鱔肉肥美咬落口感好似啫喱嘅魚油同火腩夾埋更見惹味 ，而且份量亦算多，整體又唔會太油。而燒乳鴿就更加唔會失望。size比起一般燒腊店大隻，醃得入味，上枱時熱辣辣，撕開仲有肉汁流出，好滿足。舌5皇就勝在料多，又夠鑊氣。飯後甜品紅豆沙，綿滑得黎又唔太甜，好滿足。