一汁一菜 (創紀之城五期(apm))

今日突然轉涼又要OT, 夜晚又唔係好餓，唔知食乜好。醒起apm有間一汁一菜，日本style嘅外賣店，好多唔同種類既湯都有！於是過去打算買個湯飲下當晚餐算了。

其實餐廳有提供好多款湯，有啲之前都飲過。今日決定豪氣啲，飲龍蝦湯！

好濃厚的龍蝦湯，真材實料，無味精嘅感覺。鮮味十足，龍蝦肉都好多。好creamy嘅口感，一陣就飲哂，唔係好夠喉。不過暖胃真係一流，其實飲完仲有少少飽添。

街邊賣中湯既好多，日系湯真係比較少。十分推薦呢個高質湯品！