蒲頭島 (已結業)

呢幾日天氣都幾凍，所以成班朋友一齊打邊爐就最啱。去到莊士倫敦廣場嘅蒲頭島，人頭湧湧，氣氛夠晒熱鬧。呢度除左有火鍋任食之外，仲有幾款套餐供選擇，適逢大時大節，當然就揀款最多美食嘅套餐啦。套餐最特別之處，就係海鮮拼盤同埋焗龍蝦。前者全部都係新鮮至極嘅海鮮，有海蝦、蜆肉、小龍蝦等等，冷凍後嘅海鮮保持左完滿嘅鮮味，口感爽勁而無雜質; 而焗龍蝦用上新鮮龍蝦，肉質本身都帶有海鮮嘅鮮甜，一人有半隻食，絕對滿足。而呢個套餐仲有西班牙海鮮飯，以及多款聖誕美食，包括火雞、火腿等等，真係夠晒豐富。到真正食火鍋，挑選呢個人參白玉湯，有人參作為湯底，滋補又暖身。牛肉拼盤賣相已經夠吸引，肉味香濃，肥牛片、牛肉粒件件都非常好食，各位愛牛之人必定要點!而豬潤、元貝、鯇魚片等食材亦係火鍋新鮮料，豬潤全無雜質，滾熟時帶有爽勁口感，而元貝、鯇魚片都係新鮮食材，必定滿足愛火鍋之人。