蘭芳園

营业中

休息中

個日小妹放假好得閒，專誠冒名去中環蘭芳園去睇下上左咁多次電視既港式茶餐廳係咪真係咁值得推介～雖然係朝頭早，估唔到都咁旺，要搭枱出到去餐廳出面～而且冇冷氣，最多得風扇，加上天時暑熱，真係冇番咁上下耐力都食唔到呢度一餐～～咁既環境下都咁多人就知佢功力係點啦！小妹叫左個番茄通心粉加個餐包，仲有杯奶茶～餐包夾左塊牛油，食落口咸咸地，牛油既香氣同餐包配搭起黎好夾，油油地又唔會太乾又唔會太肥～個番茄通心粉要大讚！！通粉好入味，粒粒擺入口都有滿滿既番茄湯味，而且佢真係選用新鮮番茄熬成湯，有好濃郁酸酸甜甜既番茄味～番茄同著仔既配搭更加令人流哂口水！著仔吸收左番茄汁既精華，又粉又清甜最後個熱奶茶先係舊式茶餐廳既特點，佢每一杯都係用絲襪沖出黎，即場可以見到老闆沖製奶茶，杯杯都係新鮮滾熱辣～食起上黎滑嘟嘟，入口即溶，而奶同茶既比例似係一比一，既可以試到奶既甜香幼滑，又有茶既回甘滋味呢個尋味之旅我好滿意，大家不妨遠道而黎，真係值得一試！！