隨心 (已搬遷) 新店位置

話說之前在午餐時試過隨心的咖喱牛肋條飯, 覺得唔錯! 但臨走時, 卻俾我發現左另一樣野, 原來牆上寫左野好吸引的菜式, 就係"黑松露炒飯"!! 所以個一刻, 我已經很怪責自己點解淨係識得望餐牌, 而唔識得舉高頭, 望下四圍牆上面的特色食品?!過左兩日, 已決定再返隨心試下個炒飯, 睇下佢有幾黑松露。今次我係門口等左唔駛10分鐘, 算ok啦！一坐低, 即刻同侍應落單。約5分鐘左右, 黑松露炒飯已送到我面前。首先, 它的樣子很吸引, 好似好好食, 但聞落又唔覺好香黑松露味。試左一啖, ok好味, 無預期既咁喊, 味道很易入口, 而且熱辣辣, 唔駛一陣我已經成碟食哂!呢餐都算幾滿足, 但$70唔算太平, 間中黎再食下都可以。