洋食商店 (利奧坊)

剛剛先係日本返嚟又掛住日本🥺今次有啲遺憾冇食壽喜燒。諗起上年喺大角咀食過一間好高質又抵食嘅嘅西日風居酒屋，主打壽喜燒料理，決定放工再訪，一解思「日」之情🥹

1

二人前鍋料理包括兩款小食、手打和牛漢堡扒、壽喜燒黑松露燉飯，可以以優惠價追加特色小食、飲品同甜品。而講起壽喜燒，最緊要就係塊肉呀🥩就算唔食牛肉都有豬梅肉可以揀，而我同朋友就+$50，揀咗澳洲M9和牛西冷+美國頂級牛頸脊🐮

壽喜燒
————————————

澳洲M9和牛西冷

美國頂級牛頸脊

全程由店員煮壽喜燒，服務非常貼心，我哋都食得好舒服😋先煮澳洲M9和牛西冷同美國頂級牛頸脊，店員再幫我哋打匀隻蛋🥚吸收晒壽喜燒汁嘅牛肉再撈埋順滑嘅蛋漿真係好正呀🤤
食完牛肉之後就煮蔬菜🥬豆腐、菇🍄‍🟫同時落埋手打和牛漢堡扒。蔬菜同菇吸收晒壽喜燒汁，非常入味，漢堡扒每啖都肉汁滿滿！


壽喜燒黑松露燉飯
————————————

壽喜燒黑松露燉飯

最後嚟個吸收晒所有壽喜燒精華嘅黑松露燉飯，壽喜燒同黑松露非常夾，剛才落嘅洋蔥已經煮到超淋🧅整個燉飯超入味好Creamy，啖啖熱辣辣，非常滿足😋


雞皮餃子
————————————

雞皮餃子

其中一個小食揀咗雞皮餃子🥟四大隻餃子熱辣辣，雞皮口感煙韌，表面有少許脆口，口感勁正。


明太子玉子燒
————————————

明太子玉子燒

另一個小食揀咗明太子玉子燒，非常精緻！少許鹹香易入口嘅明太子經炙燒後更香口，加上粒粒蟹籽更有口感，玉子燒充滿蛋香。


雪糕梳打 +$38
————————————

雪糕梳打

個Base可以揀🤣我揀咗蜜瓜梳打🍈朋友就揀咗波子汽水🫧勁清爽，加埋雪糕🍦夏天飲真係超爽！