六両三.台灣食堂 (已結業)

同好友去食過尖沙咀嘅六兩三，今日同佢喺觀塘覓食，行過巧明街一個商廈地下突然間俾好友見到六兩三個招牌，先至發現呢度原來有間分店。呢間分店比起尖沙咀嗰間寬敞好多，座位亦較多，既有吧枱位，又有少量嘅梳化位。呢度係用QR code嚟落單嘅，我哋分別叫咗：三寶牛肉麵三寶係牛腱牛肋條同埋牛筋，牛腱入口柔軟，牛筋則彈牙好滑溜，牛肋條連著少許筋膜，有咬口，但湯底好似偏鹹咗少少。麵條粗身，如烏冬咁粗，偏軟唔夠彈牙。滷肉飯+酥炸排骨滷肉肥瘦均勻，略嫌滷汁唔夠多，細細碗賣$28性價比極高。酥炸排骨，件數比較少得幾件，肉質唔嚡口，炸得還好。飲品淨係叫咗凍芭樂檸檬綠茶，味道清新。