古今二 (The ONE)

营业中

休息中

💡再訪日式創意料理店上次食古今二，印象最深刻係佢好多名同造型都好特別嘅特色卷物，其實餐廳仲有好多選擇，例如炸物、小食等，今次同朋友行過The One，決定試多少少佢唔同嘅食物類型。🍽️日式麻醬豆腐沙律古今嘅沙律從來都係非常足料，大份量，幾抵食既。沙律味道豐富，除咗底層嘅大量沙律菜、車厘茄、海藻，配上非常滑溜嘅豆腐外，面頭仲加上黑白芝麻、蟹籽、三文魚子去豐富成個口感，加上麻醬，味道清新得黎又唔會乾。🍽️彩虹卷一向鍾意古今嘅創意卷物，今次貪心啲，唔想成份一樣味，所以揀咗彩虹卷。彩虹卷主要係蟹柳卷面頭加上唔同嘅刺身，例如：吞拿魚、三文魚等，配上牛油果同青瓜，每粒都一口size ，進食十分方便。🍽️櫻花蝦原條茄子燒茄子燒一上碟超級熱辣辣，茄子燒得啱啱好，肉質超級軟綿綿，刮起一疏疏肉，配上上面滿滿乾身嘅櫻花蝦，為茄子加上一點鹹香味。🍽️大阪自家製炸雞最後點左一份炸雞，有六舊，份量好夠。炸皮唔會太厚，雞肉肉質結實，仲有肉汁，點埋沙律醬就終極邪惡啦。