仿膳

营业中

休息中

今日又要再到楊屋道附近做 follow up野，諗返起之前去過有個 food court 今次再去試吓上次食過海鮮粉絲果間仿膳，睇吓有咩食，見到個電視螢幕有個餐、魚翅霸王雞餐，有翅又有雞好似好正禁，決定試吓先，我記得上次有杯茶，好似係玫瑰茶，不過我對玫瑰茶個味道麻麻地，今次買嘅時候問吓佢哋今日係咩茶，佢話係玫瑰茶，所以我叫佢唔使比杯茶我。之後坐低試吓個餐，先試吓個魚翅，第一啖食落口感覺味道好正，好似以前去飲嘅時候食嘅翅一樣，再試吓個雞，雞好滑豉油好好味，發現倒呢兩樣嘢送飯一流😋😋對於我平時食半碗飯嘅我，今日停唔倒口食曬成碗飯，超飽，整體感覺好滿意，如果下次再嚟楊屋道做嘢，會再試其他嘢。