豊洲水産海鮮丼専門店 (已結業)

好懶啊！我現在才寫兩個月前的美味日記。睇到廣告知道呢間嘢新開張有半價， 中午嚟度原來派晒籌， 下午五時半再派， 有250個籌，只好行完街再來。 5點來到， 已經好多人排隊， 到派籌時, 我哋攞到228 & 229 . 我哋沒有走開繼續排，差不多8點有位。排咗咁耐當然叫最貴嗰兩款黑鮪丼$109 & 黑鮪霜降腹身丼 $104。 叫完先知原來每人可以叫多過一個飯， 即時想再加但唔俾😢😢😢。個餐好快就到 ，麵豉湯有用心煮 ， 個賣相好正， 以為半價魚會俾少咗但竟然俾足。 魚當然新鮮又有油香但我等咗咁耐先有得食， 我食完第一啖嘅反應只是覺得都幾好， 而唔係個種驚為天人的感覺。下次等佢半價再食過。我這個客人好乖，  等咗3個鐘， 入到去坐咗35分鐘就埋單走人！