要排隊，先看看流程
係門口有6人有前面等待，先叫3位齊人，前面3位貌似不認識，一直以為他們都是單丁，期後才發現佢地係未齊人
原來店內仲有幾個位，白白排了8分鐘，跟住店員留意到就叫齊人的入得，好了，一進去門口立即已經有部點餐機，可先在外面想定吃什麼就可立即點選，我選了大部分食評所推薦的3拍子牛肉300g，即係$109，除了提供牛之外，此價錢已包自助仼食的白飯，沙律，湯，水。坐下來又看看枱前便條
在等候期間去左拿餐具和湯，還以為要多等一段時間，點知剛回桌上就來了，立即去取餐，取餐時就咁睇都知石板溫道好高，發出高溫並發出滋滋聲！加上出餐員工提示要小心拿和勿碰到石板！期待！
佢地以牙籤和紙巾遮蓋牛肉，避免彈油。
300g剛好，加少少飯就飽曬，同上一次另一間呢類店差好遠，出曬煙！拍左一張照就要快d吃了！不然就太熟了！店員也在旁提示要反下d牛，話怕會燶。
牛肉來說，未知是否因為我只是點最便宜的3拍子，所以實在無牛味，肉質不太淋也不會鞋，不過食落就覺得似係用生粉整過，不過不失，沒有覺得cp值十分高，就差不多呢個價食呢d牛，只能說是正常，不要太大期待。
湯係牛肉湯？牛味比我食塊肉仲大，不過都係普通，不喜歡喝，而且好油。
白飯就普通白飯，也是沒什麼味道，還好做到粒粒分明。
最值得一讚的係佢塊鐵板溫度真係好足，食到一半還是保持下圖的樣子！不錯！
另外就係要讚佢有提供紙巾，頭先都講有彈油的情況，所以真係好需要有紙。
總結: 如果只有一個人，大可以直接向店員查詢，另外有一個小插曲，食完牛肉佢收左板後，我在飲湯，其後想試埋沙律(一般，有d苦)順便拿水飲下，去取其間d野已經收晒
要留意返同店員講聲/一次全取(雖然好難，因為扒好快到，而且石板熱，必須立即處理)一個人就有少少不便。平係平的，不過叫正常價正常食物，沒有特別覺得cp值很高(仼食的選項唔好食，沒有為cp拉到分)，簡單黎講，排隊唔會食，要特登去也不推薦，經過就還好。
