百樂小館 (已結業) 查看

朋友约咗食晚饭，佢哋想食潮洲菜，就拣咗之前我食过呢间，商场里面，新派布置。开餐前先饮杯功夫茶醒胃。海螺瘦肉鸡猴头菇汤好似屋企煲，料多够味，唔肥腻，无味精。五香炸芋丝卷唔使点酱汁都已经觉好味，里面嘅五香粉味同芋头几夹，有少少咸，唔油腻。手打鱼蛋津菜煲鱼蛋几弹牙，鱼片只系口感唔同，鲜甜又唔腥；津白煮到吸咗 鱼蛋嘅甜味，还有炸脆嘅小鱼片！卤水鹅肉并盘墨鱼弹牙；鹅片略为大件，切薄d 应该会更好；豆腐滑，五花腩够腍，小肥。家乡乳香骨即猪扒肉，带南乳味，唔会炸得过硬，腍软。豉油皇煎鲳鱼块用咗豉油煎嘅鱼块，要衬热食，外皮煎到少少脆，鱼肉够大块，嫩滑，唔会散开。杏汁蛋白芋泥上次已经食过，今晚第二次出击，唔太甜，杏仁香，蛋白滑，芋泥绵。