悠閑閣餐廳 (已結業)

自從一年前呢間社企係寶怡商場一樓結業後，終於東山再起，重臨寶怡花園地下。可惜價錢同服務大不如前，今次試試下午茶，由15:00開始，選擇都算多，價格中等，比食開個間同場薄餅店貴少少，不過呢度環境舒適，又唔係自助服務式餐廳，所以都會揀呢間今次叫咗份炸魚薯條，熱咖啡。整體好滿意，唯獨個沙律嘅薯仔，太大舊，難以進食，沙律菜冇沙律醬，希望可以改善下。服務方面，職員冇乜禮貌，可能直腸直肚，同埋唔可以用信用卡，不過就可以用八達通付款，都算方便。