麥金.麥金馬來西亞特式茶啡室

营业中

休息中

对上𠮶次去沙巴已经系五年前嘅事， 尤其记得 当地嘅菜式除咗华人开嘅中菜海鲜馆，就数当地嘅菜式颇得我心， 而且价钱吸引。今日同家人出去食饭，就选择咗了呢间马拉菜馆， 贪佢够平同埋出面可以泊车。餐厅入面唔系好大，但几有特色， 部份饭𩠌用的系马来西亚拼音。因为近排枕住翻发感冒，所以就冇叫肉骨茶， 因为比较燥热， 都比较可惜，因为佢的肉骨茶 可以添饮。我叫咗个怡保鸡丝河粉，同阿囡share食，老公叫娘惹喇沙，工人姐姐叫咗塔拉炸鸡椰浆饭。 再叫咗我最钟意食嘅咖央多士，马来西亚沙嗲—牛， 秘酱生菜。个椰浆饭姐姐话同印尼菜式好似， 个饭好丰富， 一碟好似包罗万有，半只熟鸡蛋，香脆花生，咖哩薯仔， 干鱼仔， 炸鸡肉同青瓜片。 有试过炸鸡,外酥内嫩,颇美味。娘惹喇沙有虾，鱼片，蚬，蛋，豆卜， 汤底有香浓嘅椰奶味。鸡丝汤河， 汤底清甜， 分量多，仲有两只玻璃虾。咖央多士， 20蚊都算抵，咖央酱有层次，有椰香味，斑兰味及牛油味，但涂得唔够均匀，有一块唔系好食到酱马来西亚沙嗲牛串，牛肉唔系好大块但肉质嫩滑，配上秘制沙嗲酱，好惹味。整体来说性价比高，而且一个人黎食或一群人来食都好易叫𩠌。