潮江春 (無限極廣場)

营业中

休息中

都好耐冇去潮江春飲茶，今日又嚟呢度飲茶。煎糖醋麵 這個糖醋麵，係每次黎潮江春，十次起碼有八次都一定會叫，煎麵一邊煎過，脆脆地，另一邊冇煎， 但加糖加醋一齊食，味道更佳。XO醬炒腸粉 炒得唔錯冇燶，又唔會太多油，芝麻同蔥花份量剛好。鹵水掌翼第二樣必叫的食物，只有幾隻翼，仲要1開2，份量少， 不過鹵水汁就好香好入味。椒鹽九肚魚個樣唔吸引， 唔會炸得燶，而且魚肉都幾滑。燕窩蛋撻仔燕窩分量比以前多，蛋撻都算新鮮， 唔係腍。豉汁蒸鳳爪鳳爪好肥美，冇斷開一節節，油分充足，豉汁惹味。冰鎮豬手無刮乾淨豬手，仲淨啲毛，而且剩係得骨，冇肉。