無肉食 (洗衣街)

营业中

休息中

自從細個去外國讀書，同過一個素食主義者做roommate之後，基本上自己煮飯都會盡可能不煮肉，但出街食就難啲啦，事關選擇不多，素食餐廳通常味道都好樸實，但琴日食的呢間無肉食嘅素食自助餐之後，發覺都唔錯而且幾抵食！琴晚是假期，所以就收$138冇加一，都唔貴呀。不過可能開業冇耐，只收現金，大家要留意啦。流程係咁的：找數>埋位>夾餸>食飽>執碗樓底好高，裝修簡單，但食物質素一啲都唔樸實。冷盤除左沙津之外，仲有涼拌野，特別要推介係蓮藕同木耳，少少辣相當惹味，我吃到個肚差d冇位放其他野！熱盤主要係中式野，有穩陣嘅炒菜炒飯炒麵之外，都有啲獵奇菜式，例如南瓜炒蕃茄。飲品都有三款，糖水兩款，湯水一款但非常足料，用個湯匙掂下個底就feel到啲料有個煲嘅三份一。款式都係中式的。炸物都有好多款，而且好細心嘅係碟旁有牌講明有奶/蛋成份拔絲芋頭。最後就係執碗。食物好食多款式，裝修簡潔，而且價錢相宜，真係唔錯呀。