老鍋台式火鍋 (京都廣場) (已結業)

首先網上預訂左係六點半食飯，點知當日無情情打嚟，話太多人，叫我早啲五點去食！ 真係從來冇諗過五點去打邊爐囉，但最大問題係返緊工點樣仆去。到最後佢話keep返原本嘅時間，嘥gas. 準時到達，但朋友還未到，已經有兩個侍應走埋嚟叫我落湯底。想點呀？跟住第三個侍應走埋嚟話：你知你淨係得兩個鐘進食時間，呵？我答佢都嫌晒氣，點頭就算。食物算係出得快，但錯漏百出，不斷重複出菜。講番質素，湯底是正嘅，人蔘雞好重蔘味。麻辣中辣就一啲都唔辣，但香，仲有豆腐冬菇索晒啲味。牛係比豬同雞出色一啲，白鱔亦沒有泥味，唔錯。台灣火鍋出名服務優質，呢一間只屬於BB班，有待大改善。