三川居酒屋 (已結業)

好耐冇出街食飯，我出咗去食日式餐廳🍴餐廳嘅店員好細心，提供左兩張紙巾俾我哋包實啲口罩😷，一點真係不得不讚佢哋！至於餐廳就充滿咗日式嘅味道，我鍾意！我叫左一個「並」刺身，自身有活赤貝一隻、大甜蝦兩隻、三文魚🍣、油甘魚、八爪魚、劍魚腩各兩切，仲有黃金魷魚🦑。刺身睇落去好新鮮，食落都覺得好鮮甜！我特別鍾意食油甘魚同劍魚腩，好肥美呀！魚香係口中徘徊着🤤🤤明太子蟹肉醬焗蠔肉蘑菇批首先我俾佢嘅擺盤吸引左，顏色配搭都幾鮮艷！蘑菇厚厚的，鍾意佢嘅醬料，好夾！如果覺得有少少油膩嘅話仲可以食沙律沖淡油膩感，有心思！原條蒲燒鰻魚飯條鰻魚好大條，佢仲有啲漬物俾我哋食，我哋將成條鰻魚切開一嚿嚿，好似食緊好大舊嘅壽司咁。鰻魚燒得恰到好處，而且都幾肥美！正呀！今餐感覺都唔錯，坐得舒服食得亦開心👍👍