牛大人台灣火鍋吃到飽 (加拿芬廣場)

营业中

休息中

☞ 尖沙咀 牛大人台灣火鍋吃到飽 ☜———————————————冇時間飛去台灣，喺香港返個正嘅台式火鍋放題先😎———————————————◊ 120分鐘澳洲極上和牛吃到飽 ($328/1) ◊鍋底加$50轉鴛鴦鍋，揀咗秘方麻辣湯鍋併泡椒雞鍋。平時食開麻辣大辣嘅我哋今次想食得舒服啲，唔想辣到出晒汗就嗌咗中辣，食落冇咁重口味，但都會冇咁油膩，淥出嚟嘅嘢食充滿麻辣香。泡椒雞湯係期間限定，原本以為泡椒味會係好辣，但原來係微微辣，配上雞湯嘅味道清清地帶有泡椒香，淥出嚟嘅嘢比較可以食出原本嘅味道🤩嗌呢個套餐每日會送兩粒澳州和牛牛丸，食落好香牛味，咬落仲要好juicy。呢個套餐有幾款獨有嘅肉同食材，幾款牛入面最鍾意嘅係美國黑牛後腿肉，食落比較香同感覺冇咁肥。手切封門柳好驚喜，原本以為厚片牛柳會好難咬開，但竟然淥完都好軟好易咬。牛胸爽出面嘅火鍋放題好少見，食落爽口，愈食愈過癮。黑松露海鮮漿淥完好彈牙，而且好重黑松露味😍台式小食方面最鍾意係甘梅甜薯，蕃薯嘅甜配甘梅粉嘅酸，食落好開胃。雖然網上落單已經有好多火鍋配料選擇，有鴨血又有油炸鬼嗰啲，但自助區嘅火鍋配料啊都比平時見到嘅多，應有盡有😌飲品方面除咗